काठमाडौं । मंगलबार छापावाल सुनको मूल्य १२ सय रूपैयाँले घटेको छ ।
सोमबार, छापावाल सुनको मूल्य प्रतितोला ९५ हजार २ सय रुपैयाँ कायम भएकोमा आज १२ सय रूपैयाँले घटेर ९४ हजार रूपैयाँ कायम भएको नेपाल सुनचाँदी व्यवसायी महासंघले जनाएको छ ।
त्यस्तै, तेजावी सुनको मूल्य प्रतितोला ९३ हजार ५ सय रुपैयाँ कायम भएको छ ।
त्यसैगरी, सोमबार चाँदीको मूल्य प्रतितोला १२ सय ३० रुपैयाँ कायम भएकोमा आज १५ रूपैयाँले घटेर १२ सय १५ रूपैयाँ कायम भएको छ ।
