काठमाडौं । सेयर बजारमा गिरावट आउने क्रम जारी रहेको छ ।
मंगलबार, नेप्से परिसूचक ३८.८१ अंकले घटेर १८३७.६० अंक विन्दुमा आइपुगेको छ ।
आज ३८ लाख ५६ हजारको कित्ता सेयर १ अर्ब २२ करोड ९६ लाखमा खरिद बिक्री भएको छ ।
त्यस्तै, उपसमूहतर्फ सबै कम्पनीहरुमा राताम्मै देखिएको छ ।
आज ७ वटा कम्पनीको सेयर मूल्य बढ्दा १७८ वटा कम्पनीको घटेको छ भने २ वटा कम्पनीको स्थिर अवस्थामा रहेको छ ।
आज हिमालयन डिस्टिलरीको सर्वाधिक सेयर खरिदबिक्री भएको छ । कम्पनीको आज ५ करोड ६५ लाख रुपैयाँ माथिको कारोबार भएको छ ।
त्यसैगरि, रिडी हाइड्रोपावरको ५ करोड ३५ लाख, नबिल बैंकको ४ करोड ७३ लाख, अरुण काबेली पावरको ३ करोड २६ लाख र अपि पावरको ३ करोड ४ लाख रुपैयाँमाथिको कारोबार भएको छ ।
