काठमाण्डौ । नेपाल स्टक एक्सचेन्ज (नेप्से) मा हाइड्रोइलेक्ट्रिसिटी इन्भेस्टमेन्ट एन्ड डेभलपमेन्ट कम्पनी लिमिटेड (एचआईडीसीएल) को झन्डै ९८ लाख कित्ता संस्थापक सेयर सूचीकृत भएको छ ।
कम्पनीले लिलाममा ल्याएको ९७ लाख ९५ हजार ५ सय ५ कित्ता संस्थापक सेयर सूचीकृत भएको हो ।
नेप्सेमा सूचीकृत भएको एचआईडीसीएलको संस्थापक सेयर आज शुक्रबारबाट कारोबारमा आउनेछ।
पहिलो कारोबारका लागि नेप्सेले प्रतिकित्ता ११३ रुपैयाँ तोकेको छ।
अबदेखि कम्पनीको साधारण सेयर ‘HIDCL’ र संस्थापक सेयर ‘HIDCLP’ सिम्बल बाट कारोबार हुनेछ ।
