काठमाडौं । नेपाल लाइफ इन्स्योरेन्स कम्पनीले सेयर संरचना परिवर्तन गरेको छ । कम्पनीले विद्यमान संस्थापक र सर्वसाधारणको सेयर संरचना परिमार्जन गरेको हो ।
नेपाल लाइफले ७३ लाख ८७ हजार १६९ कित्ता संस्थापक सेयरलाई सर्वसाधारणमा रुपान्तरण गरेको छ । सो पश्चात् अब कम्पनीको सेयर संरचना ५१ः४९ अनुपातमा कायम हुनेछ ।
सेयर संरचना परिमार्जन गर्दै कम्पनीले संस्थापक समूहको ५१ प्रतिशत र सर्वसाधारणको ४९ प्रतिशत सेयर स्वामित्व कायम गरेको हो। यसअघि कम्पनीमा संस्थापक समूहको ६० प्रतिशत र सर्वसाधारणको ४० प्रतिशत सेयर स्वामित्व थियो।
