काठमाडौं । साताको दोस्रो दिन सेयर बजारमा सामान्य वृद्वि भएको छ।
सोमबार, नेप्से परिसूचक १.१५ अंकले बढेर २१९६.२५ अंक विन्दुमा आइपुगेको छ ।
आज १ करोड ५ लाख १८ हजारको कित्ता सेयर ४ अर्ब ६७ करोड ७ लाखमा खरिद बिक्री भएको छ ।
त्यस्तै, उपसमूहतर्फ बैंकिङ, टे«डिङ, हाइड्रोपावर, म्यानू एण्ड प्रो र ईन्भेष्टमेन्ट बाहेक सबै कम्पनीहरुमा राताम्मै देखिएको छ ।
आज ५८ वटा कम्पनीको सेयर मूल्य बढ्दा ११५ वटा कम्पनीको घटेको छ भने ६ वटा कम्पनीको स्थिर अवस्थामा रहेको छ ।
त्यसैगरि, शिवम् सिमेन्ट्सको सर्वाधिक सेयर खरिदबिक्री भएको छ । कम्पनीको ३८ करोड ३१ लाख रुपैयाँमाथिको कारोबार भएको छ ।
हिमालयन डिस्टिलरीको १६ करोड २७ लाख, एचआइडिसिएलको १३ करोड ७६ लाख, अपि पावरको १२ करोड ९१ लाख र अरुण भ्याली हाइड्रोपावरको १२ करोड ८९ लाख रुपैयाँमाथिको कारोबार भएको छ ।
