काठमाडौं । नेपाल प्रहरी प्रधान कार्यालयले प्रहरी सहायक निरीक्षक (असई) र प्रहरी जवान माग गरेको छ। कार्यालयले आइतबार एक सूचना प्रकाशन गर्दै यसअघि माग गरिएका संख्यामा थप गर्दे प्रहरी सहायक निरीक्षक (असई) र प्रहरी जवान माग गरेको हो ।
जसअनुसार जनपद समूहतर्फ प्रहरी सहायक निरीक्षक ४ सय ४३ र प्रहरी जवान २ हजार ४७४ जना माग गरेको हो।
२०७८ असोज २२ गते सूचना प्रकाशन गरी ३६७ जना असई माग गरिएकोमा ७६ जना थप गरी कुल जम्मा ४ सय ४३ जना असई माग गरेको सूचनामा उल्लेख गरिएको छ ।
त्यस्तै, २०७८ मंसिर १० गतेको विज्ञापनमा १ हजार ९७१ जना प्रहरी जवान माग गरिएकोमा ५०३ जना थप गरी कुल २ हजार ४७४ जना प्रहरी जवान माग गरिएको छ ।
