काठमाडौं । एनआईसी एशिया बैंकको मोबाइल बैंकिङ एप, वेवसाइट, आई सर्भिस तथा इनटरनेट बैंकिङ सेवा नेपाल टेलिकमको नेटवर्कमा निःशुल्क चलाउन सकिने भएको छ ।
यस सुविधा मार्फत एनआईसीका ग्राहकले टेलिकमको डाटा प्रयोग गरी एनआईसी एशिया बैंकको मोबाइल बैंकिङ एप, वेवसाइट, आई सर्भिस तथा इनटरनेट बैंकिङ सेवा निःशुल्क प्रयोग गर्न सक्ने भएका हुन् ।
साथै बैंकले यसअघि एनसेलको नेटवर्कमा पनि यी सुविधाहरू निःशुल्क चलाउन सकिने व्यवस्था गरिसकेको छ ।
एनआईसी एशिया बैंकले हाल ३५९ शाखा, ४७३ एटिएम, १०२ वटा विस्तारित काउन्टर एवं ८१ वटा शाखारहित बैंकिङमार्फत् सेवा प्रदान गर्दै आएको छ ।
