काठमाडौं । साताको अन्तिम दिन सेयर बजारमा गिरावट आएको छ ।
शुक्रबार, नेप्से परिसूचक ८.८७ अंकले घटेर २०२८.७७ अंक विन्दुमा आइपुगेको छ ।
आज ३६ लाख ६३ हजारको कित्ता सेयर १ अर्ब ४५ करोड ९३ लाखमा खरिद बिक्री भएको छ ।
त्यस्तै, उपसमूहतर्फ ट्रेडिङ, फाइनान्स, माइक्रोफाइनान्स बाहेक सबै कम्पनीमा राताम्मै देखिएको छ ।
आज ६२ वटा कम्पनीको सेयर मूल्य बढ्दा १२६ वटा कम्पनीको घटेको छ भने ४ वटा कम्पनी स्थिर अवस्थामा रहेको छ ।
त्यसैगरि, आँधिखोला लघुवित्त र सिवाइसी नेपाल लद्युवित्तमा ९.९९ प्रतिशतको सर्किट लागेको छ ।
आज शिवम् सिमेन्ट्सको सर्वाधिक कारोबार भएको छ । कम्पनीको ५ करोड ५७ लाख रुपैयाँ माथिको कारोबार भएको हो ।
त्यस्तै, एशियन लाइफको ५ करोड २२ लाख, नेपाल पुनर्बीमा कम्पनीको ४ करोड ९० लाख, हिमालयन डिस्टिलरीको ४ करोड ६२ लाख रुपैयाँ र एनआइसी एशिया बैंकको ४ करोड ५१ लाख रुपैयाँ भन्दा माथिको कारोबार भएको छ ।
