काठमाडौं । काठमाडौं महानगरपालिकामा ९७ हजार ५४८ मत गणना भएको छ । यही क्रममा प्रमुखमा स्वतन्त्र उम्मेदवार बालेन साहले अग्रता कायमै राखेका छन्।
केही समय अघि प्राप्त मत परिणामअनुसार प्रमुख पदका स्वतन्त्र उम्मेदवार बालेन साहले १६ हजार २३६ मतान्तरका साथ आफ्नो अग्रता कायम राखेका छन् । उनले ३५ हजार ७५१ मत प्राप्त गरेका छन् ।
नेपाल कम्युनिष्ट पार्टी (एमाले) का केशव स्थापितले १९ हजार ५१५ मत तथा नेपाली कांग्रेसकी सिर्जना सिंहले १९ हजार ४५८ मत प्राप्त गरेकी छिन् ।
