काठमाडौं । स्थानीय तहको दोस्रो निर्वाचन बैशाख ३० गते शुक्रबार सम्पन्न भएको छ । २०७२ मा नेपालको नयाँ संविधान आएपछि भएको यो दोस्रो निर्वाचन हो । ७५३ स्थानीय तहमध्ये ६ वटा महानगरपालिका रहेको छ भने ११ उपमहानगरपालिका, २७६ नगरपालिका र ४६० गाउँपालिका गरी ७५३ स्थानीय तह रहेका छन् । सो तहमा ६७४३ वडाका ३५ हजार २२१ जनप्रतिनिध चयन हुनेछ ।
काठमाडौं
काठमाडौ महानगरपालिका प्रमुखमा स्वतन्त्र उम्मेदवार वालेन्द्र साहले हालसम्म २९५८२ मत प्राप्त गरेका छन् भने नेपाल कम्युनिष्ट पार्टी (एमाले)का केशव स्थापितले १५९५१ र नेपाली कांग्रेसकी सिर्जना सिंहले १५०१० मत प्राप्त गरेकी छिन् ।
भरतपुर
नेपाल कम्युनिष्ट पार्टी( माओवादी) प्रचण्ड पुत्री रेनु दाहालले २३१५४ मत प्राप्त गरेकी छिन् भने नेपाल कम्युनिष्ट पार्टी (एमाले) विजय सुवेदीले १९७२२ मत प्राप्त गरेका छन् ।
वीरगञ्ज
जनता समाजवादी पार्टी, नेपालका राजेशमान सिंहले २३८५२ मत र नेपाल कम्युनिष्ट पार्टीका विजयकुमार सरावगीले १२२८९ मत प्राप्त गरेका छन् ।
ललितपुर
ललितपुर महानगरपालिकामा नेपाली कांग्रेसका चिरीबाबु महर्जनले २२८२२ मत प्राप्त गरेका छन् । नेपाल कम्युनिष्ट पार्टी(एमाले) का हरिकृष्ण ब्यञ्जनकारले १३१२४मत प्राप्त गरेका छन् ।
विराटनगर
विराटनगर महानगरपालिका मा नेपाली कांग्रेसका नागेश कोइरालाले २५९१८ मत प्राप्त गरेका छन् भने एमालेका सागरकुमार थापाले १९३५० मत प्राप्त गरेका छन् ।
पोखरा
पोखरा महानगरपालिकामा नेकपा एकीकृत समाजवादीका धनराज आचार्यले २८५६३ मत प्राप्त गरेका छन् भने नेकपा एमालेका कृष्णवहादुर थापाले २५३५७मत प्राप्त गरेका छन् ।
