काठमाडौं । वागमती प्रदेशमा विद्युतीय ट्याक्सीको मापदण्ड लागु भएको छ ।
प्रदेश सरकारले साधारण ट्याक्सी र विशेष (डिलक्स) ट्याक्सीमा वर्गीकरण गरी दुई किसिममा बिजुली ट्याक्सी चलाउने गरी मापदण्ड ल्याएको हो ।
प्रदेश सरकारले ‘सार्वजनिक यात्रुवाहक ट्याक्सी सेवाको गुणस्तर, संचालन तथा व्यवस्थापन सम्बन्धी मापदण्ड–२०७८’ जारी गरेको हो ।
मापदण्डअनुसार २० वर्ष पुगेका काठमाडौं उपत्यकाभित्र चल्ने ट्याक्सीको सट्टा नयाँ ट्याक्सी किन्दा विद्युतीय लिनुपर्ने भएको छ ।
विद्युतीय ट्याक्सीको मापदण्डमा साधारण र विशेष गरी २ थरी ब्यवस्था गरिएको छ । साधारण ट्याक्सी ५ सिट क्षमताको हुनु पर्नेछ भने विशेष ट्याक्सी ५ वा ७ सिट क्षमताको हुनसक्ने छ ।
२० वर्षअघि नै कसैले ट्याक्सीको सट्टा दर्ता गर्न चाहेमा कम्तीमा ट्याक्सीको उत्पादन अवधि १५ वर्ष पुगेको हुनुपर्नेछ ।
यस्ता ट्याक्सीको न्यूनतम रेन्ज २१० किलोमिटर हाराहारी हुनु पर्नेछ ।
यस्तो छ मापदण्ड :
[embeddoc url=”https://hamroartha.com/wp-content/uploads/2022/04/taxi-mapdhanda.pdf” cache=”off”]
