काठमाडौं । एभरेष्ट बैंकले वि.सं. २०७९ सालको क्यालेन्डर सार्वजनिक गरेको छ ।
संस्कृति, पर्यटन तथा नागरिक उड्डयन मन्त्रालयमा आयोजित एक कार्यक्रममा बैंकले कर्पोरेट क्यालेन्डर सार्वजनिक गरेको हो ।
नेपाललाई पर्यटकीय सम्भावना बोकेको मुलुकका रूपमा प्रवर्द्धन गर्ने उद्देश्यले लामो समयदेखि बैंकले नेपाली संस्कृति तथा पर्यटनसँग सम्बन्धित विभिन्न विषयवस्तुलाई समेट्दै आएको जनाएको छ ।
‘नेपाली साहित्यका चम्किला ताराहरू’ भन्ने नारासहितको बैंकको नयाँ क्यालेन्डर संस्कृति, पर्यटन तथा नागरिक उड्डयन मन्त्रालयका सचिव महेश्वर न्यौपाने र एभरेष्ट बैंकका प्रमुख कार्यकारी अधिकृत सुदेश खालिङले संयुक्त रूपमा सार्वजनिक गरेका हुन् ।
