काठमाडौं । आज (आइतबार) जाल्पाको स्पेसल प्रि-ओपन सेसनमा कारोबार भएको छैन । स्पेशल प्रि-ओपन सेसनमा कम्पनीको सेयर अडर म्याच नभएपछि रेगुरल सेसनमा पनि कारोबार नहुने भएको हो।
अब सोमबारको स्पेसल प्रि-ओपन सेसनमा कारोबार भई मूल्य तय भएपछि कम्पनीको कारोबार सुचारु हुनेछ ।
शुक्रबार कम्पनीको १६ लाख कित्ता सेयर नेप्सेमा सूचीकृत भएको थियो ।
नेप्सेले कम्पनीको पहिलो कारोबारको लागि १६४.४० रुपैयाँदेखि ४९३.८० रुपैयाँसम्मको रेन्ज तोकेको छ ।
यस रेन्ज बीचको जुनसुकै मूल्यबाट कम्पनीको पहिलो कारोबार हुन सक्ने व्यवस्था छ।
नेप्सेले कम्पनीको पहिलो कारोबारको लागि कम्पनीको नेटवर्थको ३ गुणासम्मको रेन्ज तोक्ने गरेको छ ।
कम्पनीको (JALPA) सिम्बलबाट कारोबार सुरु हुनेछ ।
