काठमाडौं । काठमाडौंको चन्द्रागिरि नगरपालिकास्थित ढुंगेअंडामा शंकास्पद वस्तु फेला परेको छ । चन्द्रागिरि नगरपालिका–१५ ढुंगेअंडाको मुख्य सडकमा शंकास्पद वस्तु फेला परेको हो ।
महानगरीय प्रहरी परिसर काठमाडौंका प्रवक्ता प्रहरी उपरीक्षक दिनेशराज मैनालीले कलंकी–नागढुंगाको मुख्य सडकमा आज बिहान २ बजेतिर उक्त वस्तु फेला परेको बताए ।
उनले आम नागरिकलाई त्रास सिर्जना गर्नका लागि उक्त शङ्स्कास्पद वस्तु छाडिएको जानकारी दिए । उक्त वस्तुलाई अहिले नेपाली सेनाको टोलीले निस्क्रिय पारेको छ ।
शंकास्पद वस्तु भेटिएसँगै नागढुंगा नाका भएर काठमाडौं उपत्यका भित्रिने तथा काठमाडौं बाहिर जाने सवारीसाधन बाटोमै रोकिएका छन् ।
