काठमाडौं । काठमाडौंबाट नक्कली नेपाली नोटसहित ४ जना पक्राउ परेका छन् । उनीहरुलाई काठमाडौं महानगरपालिका-१६, नयाँबजार मेडिकल चोक क्षेत्रबाट एक हजार दरका २९४ थान नक्कली नेपाली नोटसहित प्रहरीले पक्राउ गरेको हो ।
पक्राउ पर्नेमा रौतहटका पृथ्वीप्रसाद शाह, मुसरफ अली, असरफ अली सहिद र महमद शम्साद आलम रहेका छन् ।
महानगरीय अपराध महाशाखाबाट खटिएको प्रहरी टोलीले उक्त परिमाणको नक्कली नेपाली नोटसहित फेला पारी उनीहरूलाई पक्राउ गरेको जनाइएको छ ।
