६ महिनामा बैंकहरुले कर्मचारीलाई २८ अर्ब तलब दिए, कुन बैंकका कर्मचारीले कति तलब पाए ?

काठमाडौं । मुलुकभर सञ्चालनमा रहेका २७ वटा वाणिज्य बैंकहरुले आफ्ना कर्मचारीलाई २८ अर्ब २२ करोड ३९ लाख रुपैयाँ तलब दिएका छन् । बैंकहरुले पुस मसान्तसम्म कर्मचारीहरुलाई तलब र बोनसगरी २८ अर्ब २२ करोड ३९ लाख रुपैयाँ रुपैयाँ वितरण गरेका हुन् ।

११ वटा बैंकले आफ्ना कर्मचारीको तलबमा मात्रै १ अर्ब रुपैयाँभन्दा बढी लगानी गरेका छन् ।

कर्मचारीमा सबैभन्दा धेरै लगानी गर्नेमा एनआईसी एशिया बैंक रहेको छ । एनआईसी एशिया बैंकले कर्मचारीको तलब तथा बनोसगरी चालु आवको पहिलो ६ महिनामा १ अर्ब ८६ करोड ६९ लाख रुपैयाँ लगानी गरेको छ ।

कर्मचारी माथि १ अर्ब ७३ करोड ७४ लाख लगानीसहित ग्लोबल आईएमई बैंक दोस्रो स्थानमा छ ।

सरकारी स्वामित्वको राष्ट्रिय वाणिज्य बैंकले कर्मचारी माथि १ अर्ब ६१ करोड ३३ लाख रुपैयाँ लगानी गरेको छ । कर्मचारीमा सबैभन्दा धेरै लगानी गर्नेमा राष्ट्रिय वाणिज्य बैंक तेस्रो स्थानमा छ ।

कर्मचारीको बोनसका लागि बैंकहरुले छुटाए ५ अर्ब, कुन बैंकको कति ?

नबिल बैंक, मेगा बैंक, एनएमबी बैंक, सिद्धार्थ बैंक, नेपाल बैंक, प्रभु बैंक, कुमारी बैंक र कृषि विकास बैंकले कर्मचारी माथि एक अर्ब रुपैयाँ भन्दा धेरै लगानी गरेको छ ।

कर्मचारीमा सबैभन्दा थोरै लगानी स्ट्यान्डर्ड चाटर्ड बैंक देखिएको छ । स्ट्यान्डर्ड चाटर्ड बैंकले पुसमसान्तसम्म कर्मचारी माथि ६० करोड ९८ लाख रुपैयाँ लगानी गरेको छ ।

यस्तो छ बैंकको कर्मचारी माथिको लगानी