काठमाडौं । यो साताको सुरुवातदेखि घट्दो क्रममा रहेको पुँजीको घटाइले आज पनि निरन्तरता पाएको छ । बुधबार नेप्से ३८.४५ अंकले घटेर २७७६.६१ विन्दुमा आइपुगेको छ ।
सेन्सेटिभ इन्डेक्स ६.५६ अंकले घटेर ५१८.३८ विन्दुमा आइपुगेको छ ।
आज २३३ कम्पनीको सेयर ६१ हजार पटक कारोबार भएको छ । ९३ लाख ५८ हजार कित्ता सेयर खरिद बिक्री हुँदा ४ अर्ब ३१ करोड रुपैयाँको कारोबार भएको छ ।
नेप्सेका सबै उपसमूहहरु घटेर राताम्मै भएका छन् ।
विन नेपाल लघुवित्त, बुद्ध भुमी नेपाल हाइड्रो पावरको सेयर मूल्यमा सकारात्मक सर्किट लागेको ।
पोखरा फाइनान्सको सेयर मूल्य ५.५९ प्रतिशतले घटेको छ ।
