काठमाडौं । बैंक तथा वित्तीय संस्थालहरूले खराब कर्जा फेरि बढेको छ । बैंकले निर्धारित समय सीमामा ऋण उठाउन नसकेपछि चालु आर्थिक वर्षको ५ महिनामा मात्रै बैंकहरूले ९ अर्ब ४९ करोड रुपैयाँ कर्जा नोक्सानी व्यवस्था (प्रोभिजिङ) गरेका हुन् ।
यद्यपि बैंकहरूले कर्जा नोक्सानीका लागि गरेको व्यवस्था गत आर्थिक वर्षको अन्त्यको तलुनामा भने कम हो ।
गत आर्थिक वर्षको अन्त्यसम्म बैंक तथा वित्तीय संस्थाहरूले ३९ अर्ब रुपैयाँ यस्तो कर्जा व्यवस्थापनको लागि छुट्याएका थिए । यद्यपि गत कार्तिकको प्रोभिजिङभन्दा भने मंसिरमा प्रोभिजिङ रकम बढेको छ ।
बैंक तथा वित्तीय संस्थाले अघिल्लो आर्थिक वर्षमा ३३ अर्ब ८६ करोड प्रोभिजन गरिएको थियो । ठूलो रकम प्रोभिजिनिङ गर्नुपर्दा यसको असर बैंकको नाफामा परेको थियो । चालु आर्थिक वर्ष लागेदेखि बैंकहरूको यस्तो प्रोभिजिङ घट्दै गएपछि अब केही राहत मिल्ने देखिएको छ ।
निर्धारित समयभित्र कर्जा नउठ्ने नसकेपछि राष्ट्र बैंकले कर्जा नोक्सानीको व्यवस्था गर्न लगाएको हो । चालु आर्थिक वर्षको ५ महिनामा वाणिज्य बैंकको मात्र कर्जा नोक्सानी बढेको देखिएको छ ।
सो प्रोभिजिङ अहिले घटेर ७ अर्ब ७५ करोड रुपैयाँमा सीमित भएपनि कार्तिक महिनाकोभन्दा भने बढेको छ । कार्तिक महिनामा बैंकहरूले खराब कर्जा व्यवस्थापनको लागि ७ अर्ब ६३ करोड रुपैयाँ प्रोभिजिङ गरेका थिए ।
राष्ट्र बैंकका अनुसार मंसिरसम्म बैंक तथा वित्तीय संस्थाहरू प्रवाह गरेको कर्जामध्ये ‘साधारण लोन लस प्रोभिजिङ’ मा ९ अर्ब ४२ करोड रुपैयाँ व्यवस्थापन गरिएको छ भने ‘पास लोन लस प्रोभिजिङ’ मा ६ अर्ब २५ करोड, ‘वाच लिष्ट प्रोभिजिङ’ १ अर्ब ६८ करोड, ‘स्पेशल लोन लस प्रोभिजिङ’ मा २ अर्ब ६३ करोड र ‘एडिष्नल लोन लस प्रोभिजिङ’मा ५४ करोड रुपैयाँ छुट्याएको छ ।
कुन बैंकले गरे कति प्रोभिजिङ ?
वाणिज्य बैंकहरूले दिएका कर्जाहरू खराब कर्जाको रुपमा परिवर्तन हुँदा बैंकहरूले अहिले पनि खराब कर्जाको लागि रकमको जोह गर्नुपरेको छ । कोभिडका कारण बढेको बैंकहरूको प्रोभिजिङ पछिल्लो समय घटेपनि मंसिरमा भने बढेको छ ।
विभिन्न विवादमा तानिदै आएको कुमारी बैंकले मात्रै आफ्नो खराब कर्जा व्यवस्थापनको लागि ८३ करोड ६३ लाख रुपैयाँ छुट्टाएको छ । सरकारी स्वामित्वको राष्ट्रिय बैंक, कृषि विकास बैंक, नेपाल बंगलादेश बैंकको यस्तो प्रोभिजिङ बढी छ भने प्राइम, सिभिल, सानिमा बैंकको प्रोभिजिङ अन्य बैंकको तुलनामा कम रहेको छ ।
| S. N. | NAME OF THE BANK | PROVISION FOR RISK |
| 1 | Kumari Bank | 836.39 |
| 2 | Rastriya Banijya Bank | 731.67 |
| 3 | Agriculture Development Bank | 616.55 |
| 4 | Nepal Bangaladesh Bank | 511.44 |
| 5 | Global IME Bank | 501.58 |
| 6 | Nepal Credit & Commerce Bank | 440.19 |
| 7 | NIC Asia Bank | 369.98 |
| 8 | Nabil Bank | 368.15 |
| 9 | Sunrise Bank | 351.15 |
| 10 | Himalayan Bank | 305.78 |
| 11 | Nepal Bank | 288.79 |
| 12 | Nepal Investment Bank | 284.18 |
| 13 | NMB Bank | 244.57 |
| 14 | Citizen Bank | 242.70 |
| 15 | Mega Bank | 211.40 |
| 16 | Nepal SBI Bank | 208.50 |
| 17 | Standard Chartered Bank Nepal | 177.53 |
| 18 | Machhapuchhre Bank | 177.01 |
| 19 | Siddhartha Bank | 161.55 |
| 20 | Laxmi Bank | 154.61 |
| 21 | Prabhu Bank | 148.90 |
| 22 | Bank of Kathmandu | 144.87 |
| 23 | Everest Bank | 144.69 |
| 24 | Century Bank | 88.49 |
| 25 | Sanima Bank | 82.17 |
| 26 | Civil Bank | 59.46 |
| 27 | Prime Commercial Bank | -70.66 |
Source: Nrb
