काठमाडौं । देशभर कोरोना संक्रमितको संख्या बढ्ने क्रममा छ । आज देशभर थप ११ हजार ३५२ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । यो हालसम्मकै उच्च हो ।
आज १८ हजार ७८ नमुनाको पीसीआर टेष्ट गर्दा ९ हजार ५०२ तथा ५ हजार ३३१ नमुनाको एन्टीजेन टेष्ट गर्दा १ हजार ८५० जनामा संक्रमण पुष्टि भएको हो ।
पछिल्लो २४ घण्टामा कोरोनाका कारण ४ जनाको मृत्यु भएको छ भने ६१३ जना संक्रमणमुक्त भएका छन् ।
