काठमाडौं । कुमारी बैंकलाई सिस्टम ह्याक गर्ने इमेल आएको छ । गत साउनमा पनि सिस्टम ह्याक गर्ने भन्दै यस्तै इमेल आएको थियो ।
कुमारी बैंकले इमेल आएको जानकारी राष्ट्र बैंकलाई गराएको हो । साउदी ग्रुप अफ कम्पनी नामबाट कुमारी बैंकको इलेम ह्याक गर्ने इमेल आएको राष्ट्र बैंकले जानकारी दिएको छ ।
उक्त इमेल आएपछि बैंक तथा वित्तीय संस्थालाई उच्च सतर्कता अपनाउन सचेत गरिएको राष्ट्र बैंकले जानकारी दिएको छ ।
बिहीबार सार्वजनिक विदा परेकाले पनि कुमारी बैंकले सतर्कता अपनाउँदै आफ्नो वेबसाइट बन्द गरेको छ ।