काठमाडौं । पछिल्लो २४ घण्टामा काठमाडौं उपत्यकामा १ हजार ७५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
जसमा काठमाडौंमा ७६६, भक्तपुरमा १४६ र ललितपुरमा १६३ जना संक्रमित थपिएको हो ।
योसँगै काठमाडौंमा सक्रिय संक्रमितको संख्या १० हजार ६८ तथा देशभर ३४ हजार ४२२ पुगेको छ ।
देशभर थप ३ हजार ९३८ जनामा कोरोना संक्रमण पुष्टि भएको छ ।
पछिल्लो २४ घण्टामा कोरोनाका कारण ३७ जनाको मृत्यु भएको छ ।
