काठमाडौं । सिद्धार्थ बैंकको प्रमुख कार्यकारी अधिकृत (सिइओ)मा सुन्दर प्रसाद कडेल नियुक्त भएका छन् ।
बैंकको सोमबार बसेको सञ्चालक समितिको बैठकले आगामी ४ वर्षको लागि सोमबारदेखि नै लागू हुनेगरी कडेललाई सिइओमा नियुक्त गरेको हो ।
साउन २६ गतेदेखि लागु हुने गरि कँडेलले कायम मुकायम प्रमुख कार्यकारी अधिकृतको जिम्मेवारी सम्हालेका थिए ।
बैंकका प्रमुख कार्यकारी अधिकृत शम्भु नाथ गौतमको कार्यकाल सकिएपछि बैंकका नायव प्रमुख कार्यकारी अधिकृत रहेका कँडेललाई बैंकले कायम मुकायम प्रमुख कार्यकारी अधिकृतको जिम्मेवारी दिएको थियो । गौतमको कार्यकाल साउन २५ गतेदेखि सकिएको थियो ।
