काठमाडौं । आज बालोन डी’ओर २०२१ को घोषणा हुने भएको छ । फ्रान्सको पेरिसमा हुने बालोन डी’ओर २०२१ को घोषणा नेपाली समयानुसार राति १ः१५ बजे सुरु हुने कार्यक्रम रहेको छ ।
यस अवार्डको मुख्य दाबेदारको रुपमा लियोनल मेसी र रोबेर्टो लेवान्डोस्की रहेका छन् भने करिम बेन्जेमा तेस्रो दाबेदार रहेका छन् । यसअघि मेसीले ६ पटक उक्त अवार्ड हासिल गरि सकेका छन् ।
मेसीले सिजन २०२०–२१ मा बार्सिलोनाका लागि ३८ गोल र १४ असिस्ट गरेका थिए ।
त्यस्तै, बुन्डेस लिगा फुटबलमा उत्कृष्ट प्रदर्शन गरेका लेवान्डोस्कीले एकै सिजन (सन् २०२०–२१) मा बयार्नका लागि ५२ गोल र आठ असिस्ट गरेका छन् ।
