काठमाडौं । नेपालकै पहिलो पब्लिक लिमिटेड ट्राभल कम्पनी, गुरू ट्राभल्स लिमिटेड तथा नेपालको खाद्य प्रशोधन तथा कृषि आधारित उद्योगमा सशक्त रूपमा स्थापित क्रेमिल इन्डस्ट्रिज प्रा.लि. बीच व्यवसायिक सहकार्य सहमतिपत्रमा हस्ताक्षर सम्पन्न भएको छ ।
क्रेमिल इन्डस्ट्रिजको प्रबन्धक निर्देशक विभूषण शर्मा तथा गुरू ट्राभल्सका प्रमुख सञ्चालन अधिकृत अनिल धरेलबाट हस्ताक्षरित सहमतिपत्र आज आयोजित एक विशेष कार्यक्रमकाबीच सार्वजनिक गरिएको छ ।
सहमतिपत्रमा उल्लेख भए बमोजिम क्रेमिल इन्डस्ट्रिजका कर्मचारी तथा ग्राहकहरूलाई गुरू ट्राभल्स ले विभिन्न ट्राभल प्याकेजहरुमा १०,०००्र०० सम्मको स्पेशल डिस्काउण्टका साथै अन्य विभिन्न आकर्षक सुविधाहरू उपलब्ध गराउनेछ ।
यस्तै गुरु ट्राभल्सका कर्मचारी एवम् ग्राहकहरूले आइसक्रिम र टर्किश ट्रिक खरिदमा ८०० रूपैयाँ बराबरको स्पेशल डिस्काउण्टका साथै अन्य विभिन्न आकर्षक अफरहरू प्राप्त गर्ने जनाइएको छ । सामाजिक अभियानहरू तथा संस्थागत सामाजिक क्रियाकलापहरूमा आपसी सहकार्य गरी समन्वयात्मक ढंगबाट गर्ने गराउने पनि सहमति भएको छ ।
कार्यक्रममा क्रेमिल इन्डस्ट्रिजको प्रबन्धक निर्देशक विभूषण शर्माले यो सहकार्यमा जोडिन पाउँदा खुसी व्यक्त गरे । गुरू ट्राभल्स लिमिटेडका साथमा भएको व्यावसायिक सहकार्यबाट गुणस्तरीय सेवा प्रदान गर्न थप योगदान पुग्ने विश्वास समेत उनले व्यक्त गरे ।
