काठमाडौं । साताको तेस्रो दिन सेयर बजारमा भारी अंकको गिरावट आएको छ ।
मंगलबार, नेप्से परिसूचक ५४.९४ अंकले घटेर २६९८.८२ अंक विन्दुमा आइपुगेको छ ।
आज २ करोड ५ लाख कित्ता सेयर ९ अर्ब ४६ करोड १४ लाखमा खरिद बिक्री भएको छ ।
त्यस्तै, १४ वटा कम्पनीको सेयर मूल्य बढ्दा २२९ वटा कम्पनीको घटेको छ भने २ वटा कम्पनीको स्थिर अवस्थामा रहेको छ ।
त्यसैगरि, ङादी ग्रुप पावरको सर्वाधिक सेयर खरिदबिक्री भएको छ । कम्पनीको आज ४६ करोड ६८ लाख रुपैयाँमाथिको कारोबार भएको छ ।
त्यस्तै, समृद्वि फाइनान्सको २९ करोड ८ लाख, पोखरा फाइनान्सको २४ करोड ९२ लाख, पीपल्स् हाइड्रोपावरको २३ करोड ९४ लाख, सिंगटी हाइड्रो इनर्जीको २३ करोड ७५ लाख रुपैयाँमाथिको कारोबार भएको छ ।
