काठमाडौं । साताको चौथो दिन पनि सेयर बजार दोहोरो अंकले घटेको छ ।
बुधबार, नेप्से परिसूचक १४.१२ अंकले घटेर २७३४.८३ अंक विन्दुमा आइपुगेको छ ।
आज १ करोड ५३ लाख कित्ता सेयर ७ अर्ब ९१ करोड १९ लाखमा खरिद बिक्री भएको छ ।
त्यस्तै, ९९ वटा कम्पनीको सेयर मूल्य बढ्दा १३८ वटा कम्पनीको घटेको छ भने ७ वटा कम्पनीको स्थिर अवस्थामा रहेको छ ।
त्यसैगरि, जानकी फाइनान्सको सर्वाधिक सेयर खरिदबिक्री भएको छ । कम्पनीको आज ३३ करोड ८६ लाख रुपैयाँमाथिको कारोबार भएको छ ।
त्यस्तै, पोखरा फाइनान्सको २५ करोड ८९ लाख, सप्तकोशी डेभलपमेन्ट बैंकको २१ करोड ५७ लाख, समृद्वि फाइनान्सको २१ करोड १३ लाख, पिपल्स् हाइड्रोपावरको १८ करोड २२ लाख रुपैयाँमाथिको कारोबार भएको छ ।
